Mihatagan katin-awa ang Department of Social Welfare and Development Region 10 nga nagpadayon pa ang ilang paningkamot aron masiguro nga makadawat sa hinabang ang mga benepisyaryo sa UP-LIFT Program.
Gipunting sa ahensya nga dili lang manual payout ang gihimo, kundili apil usab ang digital account processing aron mas mapadali ang serbisyo.
Sa datos, liboan ka pamilya sa Cagayan de Oro ug Maramag ang nakabenepisyo na sa maong programa.
Sa Lanao del Norte ug Barangay 26, gipakita sa DSWD nga bisan pa sa charter day activities, wala nila pasagdi ang paghatag sa ayuda.
Hisayran nga kini nga kalihukan nagpakita sa determinasyon sa ahensya nga ihatag ang tabang bisan sa mga busy nga okasyon.
Gipasalig sa DSWD nga magpabilin nga hapsay ug organisado ang operasyon sa payout sites sa rehiyon.
