Duda si Ka Leody de Guzman, convenor sa Artikulo Onse, kon makabawi pa si Presidente Ferdinand Marcos Jr. sa mga Pilipino ilabi na nga nagkaduol na ang pagkahuman sa iyang termino, human sa taas-taas nga panahon nga nawala ang gahom sa pamilyang Marcos sa nasudnong politika.
Sa iyang interbyu sa Bombo Radyo, gipasabot niya nga bisan pa og aduna pay nahabiling duha ka tuig ang administrasyon, lisod na kining makabawi pa sa katawhang Pilipino kon magpadayon ang iyang mga personal nga agenda.
Gidugang pa niya nga kon gustong hawan sa Presidente nga mahuman ang iyang termino nga dunay maayong dungog, kinahanglan niyang usbon ang iyang mga palisiya pinaagi sa pag-una sa interes sa masang Pilipino imbes sa mga bilyonaryo, langyaw, ug mga dinastiya.
Tungod niini, gihagit ni De Guzman ang pangulo nga sugdan na ang pagwagtang sa provincial rate ug ipapanubag ang tanang nalambigit sa halapad nga korapsyon sa nasud.
