Giaghat ni kanhi COMELEC ug COA Commissioner Atty. Rowena Guanzon si Presidente Ferdinand Marcos Jr., nga unahon ang pagbatok sa korapsyon ug paghimo og dugang trabaho atol sa iyang State of the Nation Address (SONA).
Sa exclusibong pakighinabi sa Bombo radyo, gipasiugda niya nga kinahanglan paninglan ug panubagon ang mga giingong ‘mastermind’ sa mga iregularidad sa pondo, lakip na sa mga flood control projects.
Giingon usab ni Guanzon nga padayon nga nag-atubang ang katawhan sa taas nga presyo sa mga palaliton, kakulang sa trabaho, ug paghinay sa foreign direct investments.
Busa, giaghat niya ang Presidente nga maglatid og konkretong mga lakang aron mapalig-on pag-usab ang pagsalig sa mga investor ug sa mga Pilipino. (riza budlao)
