Mupukos ang senado sa pagpa-uswag sa ekonomiya sa nasud sa pagbukas sa bag-ong sesyon sa Senado ning adlawa.
Kini ang tipik sa opening address ni Senate President Sherwin Gatchalian, sa unang adlaw sa 20th Congress sa ikaduhang regular nga sesyon, ning tuiga.
Miingon si Gatchalian nga pinakadakong hagit ug prayoridad karon mao ang pagpabalik sa kabaskog sa ekonomiya.
Aron makab-ot kini, hatagan sa unang pagtagad ang mga pamalaod nga magpabuhi sa ekonomiya ug mosuporta sa mga tumong sa administrasyon.
Gipasabot ni Gatchalian nga ang tinuod nga pag-uswag dili lamang masukod sa mga numero sa growth rate, apan sa mas barato nga palaliton, siguradong trabaho, ug pagkaon sa lamesa sa matag pamilya.
Isip labing gamhanang himan sa pagpalambo sa ekonomiya, gipadayag sa presidente sa senado nga kinahanglang mapasa sa hustong panahon ang 2027 National Budget aron dili malangan ang mga serbisyo ug proyekto sa gobyerno.
Si Gatchalian miingon nga kinahanglang ipadayon ang mga pamaagi sa transparensiya sama sa pag-livestream sa bicameral conference ug pag-upload sa tanang dokumento sa badyet diha sa Senate transparency portal.
Pinaagi niining mga lakang, gipaningkamotan sa Senado nga masiguro ang kaangayan, pagdumala nga walay gitagoan, ug paspas nga pagpabalik sa kadasig sa nasudnong ekonomiya.
