Gisaway ni Mayor Baste Duterte ang alyansa sa Administration sa Ppagpuko sa impeachment inay pagtutok sa isyu sa grabeng epekto sa pagbaha sa nasud.
Namugos ang mayor nga kinahanglan mahan-ay ug maayo ang prayoridad sa gobyerno ilabe na nga daghang tawo ang naghulat sa resulta sa imbestigasyon sa nakawkaw nga salapi gikan sa pondo sa flood control program sa Department of Public Works and Highways (DPWH) ug uban pang ahensya sa gobyerno.
Sumala pa sa alkalde, inay nga buksan ang imbestigasyon sa Senate Blue Ribbon Committee bahin sa bilyon-bilyong pondo sa flood control nga wala natarong paggamit, mas nakapukos pa hinoon ang kagamhanan sa impeachment batok kay Bise Presidente Sara Duterte.
Gipamugos ni Duterte nga tataw kaayo ang tumong sa impeachment ug kini walay lain mao ang pagtangtang sa Bise Presidente sa pwesto sa dili pa moabot ang piniliay.
Gipadayag usab ni Mayor Baste nga gihimo kini sa mga kaatbang sa politika tungod kay nakita nila si VP Sara nga usa ka dakong hulga ug babag sa ilang mga plano para sa pagpili ug pagpaposisyon sa ilang kaugalingong kandidato sa 2028 presidential elections.
