Bisan pa og gilaraw nga makahatag og daghang trabaho ug 70 bilyon ka dolyar nga pamuhunan ang Pax Silica AI Hub, gipamugos gihapon ni Ray Talimio Jr. nga kinahanglang adunay saktong safety measures ang gobyerno.
Hinuon, gipasabot sa kanhi opisyal sa Oro Chamber o RDC-X Economic Development Committee nga samtang gisugyot ang maong proyekto alang sa tuig 2028, kinahanglan usab hatagan og proteksyon ang mga mining sites alang sa tanso, nickel, chromite, ug silica.
Dugang pa niana, gibutyag usab niya nga ang seguridad sa panubig ug kuryente maoy usa sa mga angay bantayan aron malikayan ang problema sa umaabot tungod sa dako kaayo nga konsumo niini.
Gipasabot usab niya nga adunahan ang Pilipinas sa mga strategic earth minerals, hinungdan nga kinahanglan usab panalipdan ang mga naval bases ug semiconductor hubs batok sa nagkadaiyang hagit sa panggobyerno ug seguridad.
