Giyagyag dayon ni Presidente Ferdinand Marcos Jr ang gihulat-hulatan sa tanan nga mutuki sa isyu sa kurapsyon sa nasud, partikular na sa pagbulsa sa pipila sa pondo sa flood control sa Department of Public Works and Highways (DPWH).
Sa unahan nga bahin sa iyang report sa State of the Nation Address (SONA) giklaro sa pangulo nga dili siya presidente sa iyang pamilya, dili siya presidente sa iyang mga higala, tungod kay presidente siya sa Pilipinas.
Busa, bisan sakit sa iyang dughan, ipatuman niya ang balaoad sama sa pag-implikar sa iyang ig-agaw nga si kanhi Speaker Martin Romualdez sa lapad nga anomaliya sa kurapsyon sa pondo sa flood control projects sa DPWH.
Bisan wala gilakmit ni Marcos ang ngalan ni Romualdez, tataw nga bug-at sa iyang dughan ang sampit sa ngalan niini.
