Gikuwestiyon ni Atty Michael Poa ang pahayag ni prosecution panel member Atty. Lorna Kapunan nga ang isyu sa confidential funds sa Office of the Vice President ug Department of Education ubos sa liderato ni Vice President Sara Duterte kay usa ka scam.
Para kaniya dili sakto ang gisulti ni Atty. Kapunan hilabi na nga ang testigong gipaatubang kay anaa pa lang sa Audit Observation Memorandum (AOM) o anaa pa lamang kini sa administrative review ug wala pa makaabot sa katapusang estado.
Matud kaniya, gipahayag niya nga tin-aw ug matinahuron ang iyahang pagsupak ngadto kang Atty. Kapunan.
Dugang pa niya, isip mas bata nga abogado gi-respeto niya sa Atty. Kapunan hilabi na nga 48 na kini ka tuig sa pagpanerbisyo.
