Nag-atubang og grabeng kainit ug hulga sa suplay sa kuryente ang Budapest, Hungary, human miabot sa record-low nga lebel ang tubig sa Suba sa Danube tungod sa padayon nga hulaw.
Naapektuhan ang operasyon sa Paks Nuclear Power Plant, ang nag-inusarang nuclear power plant sa nasod, human napugos kini sa pagpamenos sa produksyon tungod sa kakuwang sa tubig nga gigamit sa pagpabugnaw sa planta.
Misaka usab ang konsumo sa kuryente tungod sa kainit nga miabot sa kapin 40 degrees Celsius, nga nakadugang sa pressure sa power grid. Gipalong sa gobyerno ang mga dekoratibong suga sa mga state institutions isip lakang sa pagpakunhod sa konsumo sa enerhiya ug pagtabang sa pagmintinar sa lig-on nga suplay sa kuryente.
Nagpabiling nabalaka ang mga residente sa posibleng mas grabe pang epekto sa padayon nga hulaw ug grabeng kainit sa ilang adlaw-adlaw nga panginabuhi. (jane abulag)
