Giakusahan ni Ombudsman Jesus Crispin “Boying” Remulla ang kampo ni kanhing House Speaker Martin Romualdez nga posibleng naa sa likod sa pag-atras o ‘recantation’ sa pipila ka kanhing bodyguards ni kanhing Rep. Zaldy Co.
Matod ni Remulla, dili nila ipalabay ang mga abogado o indibidwal nga iyang giingong nalambigit sa pag-andam ug pagpugos sa mga bodyguard sa pagpirma sa mga pahayag, ug anaa usab kanila ang mga recording kalabot sa insidente.
Gipasidan-an ni Remulla nga panubagon nila ang mga responsable ug mahimo usab niyang ipanghingusgan ang mga abogado nga iyang giakusahan og pagdaut sa proseso sa hustisya.
