Gipahayag ni Senate Blue Ribbon Committee Chairman Senador Erwin Tulfo nga ilang itugyan sa Office of the Ombudsman ang mga kaso nga may kalabotan sa giingong anomalya sa flood control projects.
Giingong mao kini ang nasabotan atol sa koordinasyon nila ni Ombudsman Jesus Crispin ‘Boying’ Remulla ug ni Senate President Sherwin Gatchalian.
Matod ni Tulfo, daghan na sa mga reklamo ug imbestigasyon nga may kalabotan sa mga kongresista, mga kontraktors, ug uban pang opisyal sa gobyerno ang giduso ngadto sa Ombudsman diin nagpadayon na ang maong proseso. (riza budlao)
