Gipamugos ni Presidente Ferdinand Marcos Jr nga numero unong prayoridad sa iyang administrasyon ang kapisgay sa panglawas sa katawhang Pilipino.
Gihimo ni Marcos ang pahayag sa iyang post-SONA reaction nga posted na sa iyang social media.
Miingon ang presidente nga mas gipalig-on sa gobyerno ang suporta sa panglawas alang sa tanang mga Pilipino aron masiguro nga makadawat og sakto nga pag-atiman ang matag pamilya.
Usa sa iyang gihimong pananglitan ang Zero Balance Billing policy kundiin libre na ug wala nay bayranan ang mga pasyente sa mga hospital sa Department of Health (DOH).
Miingon si Marcos nga gipadako usab sa Bureau of Internal Revenue (BIR) ang listahan sa mga tambal nga walay Value-Added Tax (VAT) aron mas makuhaan ang gasto sa pagpalit og tambal batok sa mga nag-unang sakit.
Gawas niini, padayon usab ang paghatag sa direktang tabang sa Department of Social Welfare and Development (DSWD) alang sa mga lungsanon nga nag-atubang sa nagkadaiyang lisud nga sitwasyon.
