Dismayado si Atty Lorna Kapunan sa gipakitang taras sa panig sa depensa human sila gi-ijan sa gitakdang panangkita sa miaging semana/
Gisumbong ni Kapunan sa senate impeachment court ang hitabo ug subli gipadumduman ang mga abogado ni Vice President Sara Duterte nga mutuman sa mando sa presiding officer.
Mahinumduman nga niadtong Miyerkules, Agosto 5, mipadayag ang prosekusyon nga nagpahigayon sila sa mosyon aron ipresenta ang 4,492 ka dokumento sa Clerk of Court alang sa pagtandi sa mga dokumento nga hawid sa depensa.
Miingon si Kapunan nga nagmando ang presiding officer nga magtagbo ang duha ka panig sa Huwebes o Biyernes sa miaging semana, apan wala motubag ang depensa sa bisan unsang mensahe o tawag.
Gipamugos ni Kapunan nga aduna silay mga ebidensya sa ilang gihimo nga mga pagkutay sa komonikasyon.
Bisan sa balik-balik nga pagsulay sa prosekusyon sa pakig-alayon, nagbalibad gihapon ang depensa ug nagdumili nga mag-stipulate sa mga ebidensya.
Tungod sa hitabo, giisip sa prosekusyon nga klarong bad faith ang gihimo sa pikas nga kampo tungod kay ang bugtong gilalisan sa kampo mao ra man ang covering page sa maong mga dokumento.
Gipalanog sa counsel sa prosecution nga usa kini ka direktang paglapas tungod kay wala mitoo ang depensa sa opisyal nga mando sa presiding officer bahin sa gitakdang petsa sa pagtagbo.
Tungod sa maong pagdumili sa pagkooperar, napugos ang prosekusyon nga ipaabot ang maong isyu sa korte aron maresolba ug dili mabalda ang dagan sa hearing.
