Gipresentar sa prosecution panel ang mga “Acknowledgement Receipts” nga nagpakita sa pagdawat sa pondo sa confidential operations ubos sa nagkalain-laing pangalan ug kantidad.
Gihimo kini sa panel sa ika-14 nga adlaw sa impeachment hearing ni Vice President Sara Duterte.
Lakip sa mga resibo nga gipakita mao ang Php 500,000 nga gidawat ni “Clarisse Hontiveros” ug “Feonna Villegas” alang sa pagpalit o pag-abang sa mga kagamitan ug probisyon alang sa medical ug food aid.
Adunay usab resibo nga nagpakita nga si “John A. Lapid” nakadawat sa Php 350,000, samtang si “Heart Santiago” nakadawat sa Php 250,000 alang sa susamang katuyoan.
Dugang pa niini, gipakita usab ang Php 150,000 nga gipirmahan ni “Ralph Josh Bacon” ug “Diane Maple Lapid,” ingon man ang Php 120,000 nga gidawat ni “Jose Diokno Jr.” alang sa pagpalit sa impormasyon.
Gawas niini, nakadawat usab sa tag-Php 50,000 silang “Anne Ongpauco” ug “Beth Revilla” gikan sa giingong pondo sa confidential operations.
