Physically imposible. Kini ang reaksiyon ni Senate Presiding Judge Francis Chiz Escudero nga mubayad ang Special Disbursing Officer (SDO) sa managlahing lugar sulod sa usa ka adlaw.
Sa ika-14 nga adlaw sa impeachment hearing vs Vice President Sara Duterte, gibutyag ni Commission on Audit (COA0 supervising auditor Xylene Mae del Campo nga si Edward Fajarda mao ang bugtong SDO nga gitudlo kaniadto ni kanhi Education Secretary Duterte aron magdumala sa confidential fund cash advances sa Department of Education.
Apan, subay sa ilang nadawat nga acknowledgment receipts, mitumaw sa mga petsa sa pagbayad nga gihimo kini sa nagkalain-laing lugar sama sa Masbate, Laoag, Davao, Agusan del Norte, Olongapo ug uban pa, nga managsama ang petsa sa transaksyon.
Sa pikas bahin, namahayag si private prosecutor Lorna Kapunan nga daw kinahanglan mahimong “Superman” ang SDO aron maadtoan ang tanang lugar sa maong adlaw. Tubag ni Del Campo, miangkon si Fajarda sa usa ka House inquiry nga iyang giturn-over ang cash advances ngadto kang Colonel Dennis Nolasco.
Misulti usab ang state auditor nga nalapas sa SDO ang Joint Circular No. 2015-01 nga nagdili sa pagbalhin sa confidential fund cash advance gikan sa usa ka accountable officer ngadto sa laing opisyal.
Hisayran nga ang mga resibo kabahin sa pagsusi sa P112.5 milyon nga confidential funds sa DepEd niadtong 2023
