Gituldokan ni House Deputy Speaker Janet Garin ang panginahanglan nga matubag nang daan sa bise presidente ang mga kwestyon bahin sa paggamit sa pondo.
Matud pa niya, daghang mga impormasyon ug resibo ang nagpakita sa kaduda-dudang mga pangalan ug paggamit sa alyas.
Gawas niini, nadiskobrehan sa prosekusyon nga adunay mga resibo nga murag gipang-tipigan o giyagayagaan lamang ang sistema sa liquidation.
Gidugang pa sa magbabalaod nga naghatag kini sa dakong pagduhaduha sa katawhan kung giunsa paggasto ang mga bilyong pondo. Tungod niini, angayan nga maghatag og klarong pagpasabut aron dili magpadayon ang mga spekulasyon.
Hangyo usab niya nga sundon ang husto nga proseso sa pagpanubag sa publiko.
Una niini, nagtuo si Garin nga matubag ni VP Sara mga pangutana bahin sa liquidation ug paggasto sa confidential funds.
Matud pa ni Garin: “Mao na nga maayo unta nga matubag ni Vice President, because daghay information nga dili ta kahibalo ngano nilang gihimo.”
Iyang gihatag nga ehemplo ang giingong rental sa safehouse nga moabot gikan sa taas nga kantidad ug ang posibleng dili maayong paggamit sa mga alyas o imbento nga pangalan.
Iyang gipasabot nga ang mga batakang pangutana bahin sa kon kinsay nakadawat ug kon giunsa paggasto ang pondo kinahanglang matubag sa sakto.
Iyang gipahinumdoman nga ang kwarta sa gobyerno gikan sa ordinaryong mamumuyo busa angay lamang kini nga accounting-on pag-ayo.
