Gibuksan ni House Deputy Speaker Janet Garin ang kabahin sa kontrobersyal nga pag-abang sa mga safe house nga miabot sa P2 milyon matag adlaw.
Matud pa niya, tingali adunay daghang mga safe house nga gi-rentahan ug dili lang usa, hinungdan sa ingon niana ka dako nga balayronon.
Apan, nagpabilin gihapon ang pangutana kon diin gigamit ug unsa ang nahimong kapuslanan sa maong mga pasilidad.
Tungod kay dili gihapon klaro ang detalyado nga report, nagpadayon ang kalibog sa kadaghanan bahin sa pondo.
“Naa bay nadakop nga drug pusher nga nagbaligya og drugs sa mga eskwelahan? Naa bay nadakpan nga mga sites kung diin maghimo og mga scammer?”, mga pangutana ni Garin
Gidugang pa sa magbabalaod nga kung adunay lehitimong rason, mas maayong ipasabut kini nang tarong. Sa katapusan, naglaum siya nga matuldukan na ang maong mga isyu pinaagi sa bukas ug matuod nga pagpadayag
