Nagpadayon ang search-and-rescue operations sa kasadpang bahin sa Colombia human miigo ang kusog nga magnitude 7.4 nga linog, diin mikabat na sa labing menos 164 ang namatay, sumala sa pinakabag-ong taho.
gipangita sa mga emergency responder ang mga tawo nga posibleng natanggong ilawom sa mga naguba nga building ug balay samtang nagpadayon ang maong clearing ug rescue operations.
Sa syudad sa Cali, labing menos 85 ang gikatahong namatay, samtang 66 ang namatay sa Pereira ug 13 sa Chocó, ug gilauman nga posible pa mosaka ang death toll samtang nagpadayon ang operasyon.
Gikataho usab nga adunay mga survivors nga naluwas gikan sa mga nahugno nga building, samtang padayon ang pagpangita sa uban pang posibleng buhi nga mga tawo. (riza budlao)
