Nakigbisog ang mga bombero batok sa dakong sunog sa Zawiya oil complex sa Libya human maigo sa drone attack ang usa ka gasoline storage tank.
Sumala sa National Oil Corporation (NOC), adunay mga 4.5 milyon ka litro nga fuel ang tangke nga direktang naigo sa drone, hinungdan sa dakong sunog ug pagkahugno niini.
Hinuon, wlaay mga casualty nga gitaho may kalabotan sa pag-atake, samtang nagpadayon ang mga otoridad sa pagtubag sa insidente.
Gipahimangnoan sa NOC nga mahimo nilang ipahunong ang operasyon sa Zawiya oil complex kung magpadayon ang mga drone attack ug nanawagan sa mga otoridad nga imbistigahan ang mga responsable sa serye sa pag-atake. (riza budlao)
