Dili na kinahanglan pang hatagan pa og marching order ni presidente Ferdinand ‘Bongbong’ Marcos Jr. ang bag-ong Department of Health (DOH) Secretary nga si Dr. Edwin Mercado.
Kini ang gipahayag ni Palace Press officer Claire Castro atol sa press briefing sa palasyo.
Matud pa ni Castro, pamilyar na si DOH Secretary Mercado sa tinguha sa pangulo tungod kay nagserbisyo na kini isip kanhi CEO sa Philhealth ubos sa administrasyong Marcos.
Dugang pa ni Castro, ang pinakatinguha sa Presidente kay mao ra gyud ang pagtubag ug pagsulbad sa mga gikinahanglan sa mga Pilipino kabahin sa panglawas ug ang pagpalambo sa mga pampublikong serbisyo sa panglawas. (raniel mahunyag)
