Gipakita sa defense team ang ilang gitawag nga “proof of success” o mga pamatuod nga hapsay ug tukmang gigamit ang confidential ug intelligence funds o CIF sa Office of the Vice President.
Lakip sa gipresentar ni Defense lawyer Kristine Ferrer ang pagtukod sa satellite offices sa OVP sa pipila ka lugar, lakip na ang Isabela sa Cagayan Valley ug uban pang mga probinsiya.
Gipakita usab sa depensa ang mga kalihokan sama sa data gathering, information gathering ug threat assessment nga giingong kabahin sa paggamit sa maong pondo.
Giila usab sa House witness ug COA auditor nga si Xylene del Campo nga ang pipila niini nga mga kalihokan mahimong ikonsiderar nga surveillance activities.
Matod ni Del Campo, ang maong surveillance activities mahimong gastusan gamit ang confidential funds. (jane abulag)
