Misamot ang pagtagad sa sektor sa teknolohiya human mipahibalo ang NVIDIA og mga partnership uban sa unom ka dagkong financial firms aron mamobilisa ang kapin sa 500 bilyong dolyar nga third-party capital alang sa pagpalapad sa AI infrastructure.
Lakip sa mga partner ang Apollo, BlackRock, Blackstone, Brookfield, Goldman Sachs ug KKR.
Ang maong kapital gitumong sa pagpondo sa mga proyekto sama sa AI data centers, chip production facilities ug power infrastructure aron matubag ang nagkadakong panginahanglan sa computing capacity.
Dili kini direktang 500 bilyong dolyar nga utang sa NVIDIA, kondili kapital gikan sa mga external investors pinaagi sa mga independent financing platform nga gitukod uban sa maong mga financial firms.
Gitumong sa maong inisyatiba nga mapadali ang pagtukod sa imprastraktura nga gikinahanglan alang sa padayon nga pag-uswag sa artificial intelligence. (jane abulag)
