Mipahapak sa France ang usa ka ipo-ipo partikular sa rehiyon sa Aude sa habagatang-kasadpang bahin sa maong nasod nga nakadaot sa kapin 300 ka mga balay ug nakapaangol sa 39 ka tawo.
Sumala sa lokal nga mga otoridad, duha sa mga nasamdan anaa sa kritikal nga kahimtang sa baryo sa Pomas. Samtang kapin 21,000 ka panimalay sa habagatang dapit sa nasod ang nawad-an og kuryente, lakip ang 1,600 sa Aude.
Sumala ni Interior Minister Laurent Nunez, talagsaon ang kakusog sa maong ipo-ipo human sa grabeng heatwave nga gipulihan usab og mga thunderstorms sa daghan pang bahin sa nasod.
