Mitestigo karong adlawa si OVP Assistant Chief of Staff Lemuel Ortonio isip panibag-ong testigo sa Day 18 sa impeachment trial ni Vice President Sara Duterte.
Gipresentar si Ortonio sa House prosecution panel aron magpamatuod bahin sa alegasyon sa sayop nga paggamit sa 500 milyon pesos nga confidential funds sa OVP.
Matod sa kanhing OVP Special Disbursing Officer nga si Gina Acosta, giubanan siya ni Ortonio sa pagkuha sa maong pondo gikan sa LandBank Shaw Boulevard sa upat ka higayon, diin 125 milyon pesos ang matag kuha gikan sa kataposang quarter sa 2022 hangtod sa ikatulong quarter sa 2023.
Gideklarar usab karong adlawa sa impeachment court si Ortonio isip hostile witness, nga nagtugot sa prosecution nga mangutana kaniya gamit ang leading questions atol sa direct examination.
Ang iyang testimonya kabahin sa Article I sa impeachment case, nga naghisgot sa alegasyon sa sayop nga paggamit ug iregular nga pag-liquidate sa confidential funds sa OVP ug Department of Education. (jane abulag)
