Nangulo sa Billboard 200 ang multinational girl group nga KATSEYE pinaagi sa ilang ikatulong EP nga “WILD,” nga nakakuha og 170,000 equivalent album units sa U.S.
Lakip niini ang 145,000 ka traditional album sales, nga naghatag kanila sa pinakadakong debut sa girl group sukad 2008.
Ang “WILD” mao usab ang ikaupat nga album sa usa ka all-female group nga naka-No. 1 sa Billboard 200 niining dekada, sunod sa BLACKPINK, NewJeans ug TWICE.
Lakip sa unom ka miyembro sa KATSEYE ang Filipina nga si Sophia Laforteza nga napili pinaagi sa global talent search nga “The Debut: Dream Academy.” Gisaulog sa grupo ang milestone nga daw gikan sa ilang “wildest dreams.”
