Gipasalig ni Acting City Information Officer Jade A. Adeser nga dali nga gipanaogan og tabang sa lokal nga kagamhanan ug sa CSWD ang mga pamilyang naigo sa sunod-sunod nga sunog sa Barangay Carmen sa adlaw sa kapistahan.
Tungod sa maong insidente, nagpadala gilayon ang buhatan sa DSWD og mga unang ayuda sama sa hygiene kits, bugas, banig, ug kaldero alang sa mga naapektohang pamilya.
Gawas pa niana, gitin-aw sa opisyal nga gawas sa opisyal nga serbisyo sa dakbayan, naghatag usab si Mayor Klarex Uy ug si Brgy. Carmen Kapitan Kikang Uy sa ilang personal nga suporta aron masiguro nga dili mapasagdan ang mga biktima.
Subay niini, mapasalamaton ang local government sa paspas nga pagresponde sa mga awtoridad ug sa mga opisyal sa barangay nga miaksyon dayon sa maong sunog.
