Dinalian nga moadto sa Korte Suprema ang legal team sa DDS Sara All Confederation aron babagan ug ipahunong ang giingong ilegal nga pag-usab sa pamaagi sa impeachment trial sa Senado.
Gipahayag sa ilang legal counsel nga si Atty. Raymond Batu nga dili nila tugotan ang plano nga pakunhoran ang vote threshold gikan sa 16 ngadto sa 14 ka boto aron lang mapugos ang pagtangtang sa Bise Presidente.
Dugang pa sa abogado, usbon ug bastarduhon sa Senado ang batakang balaod kon tugutan ang maong maniobra nga gihimo alang sa politikanhong interes.
Gumikan niini, mudapig ang kapunongan sa pagduso og TRO aron protektahan ang probisyon sa Konstitusyon ug ang hustisya sa nasod.-
