Gitin-aw sa usa ka legal expert nga adunay dakong kalainan ang ill-gotten wealth ug hidden wealth, usa ka isyu nga maoy nahimong sentro karon sa impeachment trial batok kang Vice President Sara Duterte.
Gipahayag ni Attorney Tibs Palasan nga kinahanglang sabton og maayo sa publiko ug sa Senado ang kalainan sa maong mga pulong, lakip na ang unexplained wealth, aron magiyahan ang proseso sa hustisya.
Gumikan niini, nadala isip testigo sa maong proseso si retired Presiding Justice Amparo Cabotaje-Tang, kinsa usa na ka abogado sukad pa sa tuig 1980 ug dugay nang nagserbisyo sa gobyerno sama sa Sandiganbayan ug Office of the Solicitor General.
Dugang pa sa maong legal expert, nakatabang pag-ayo ang maong mga pagpasabot aron mahatagan og tin-aw nga kahayag ang bahin sa public accountability sa mga labaw nga opisyal sa nasod.-
