Paspas nga gipahugtan sa prosecution ang ilang baruganan sa impeachment trial ni Vice President Sara Duterte pinaagi sa paglatag sa legal framework sa mga ebidensya.
Dinalian nga giduso sa impeachment court ang pagpatawag kang kanhi Sandiganbayan Presiding Justice Amparo Cabotaje-Tang isip unang testigo aron maghatag og opisyal nga pagpasabot sa mga balaod bahin sa ill-gotten wealth, SALN, ug unexplained wealth ilawom sa Article II sa kaso.
Base sa pagpasabot sa legal analyst nga si Attorney Tiburcio “Tibs” Palasan Jr., kritikal kini nga lakang aron matun-an dayon ang mga sukaranan ug dokumento sa panalapi nga magsilbing giya sa maong isyu.
Dugang pa sa maong abogado, gitugotan ni Presiding Officer Chiz Escudero ang maong prayoridad nga gimbuhaton samtang gihatagan usab og patas nga higayon ang defense team aron makasusi ug makapangutana sa mga puntong legal nga gipresenta sa testigo.
Gipahayag sa legal analyst nga ang maong desisyon nagtimaan sa mas pormal ug paspas nga dagan sa husay sa nasod.-
