Gitin-aw sa Land Transportation Franchising and Regulatory Board o LTFRB-10 nga ilegal pa nga mopasada ug mokuha og pasahero ang mga green GSM taxi sa dakbayan sa Cagayan de Oro.
Gipahayag ni Assistant Regional Director Mohammad Hajam Sarip atol sa sesyon sa City Council nga ang maong mga sakyanan anaa lamang sa dakbayan alang sa pagsusi sa karsada o mapping ug wala pa hatagi og opisyal nga pagtugot o franchise isip pampublikong sakyanan.
Aron mahatagan og solusyon ang maong isyu, makigtagbo ang mga tigdumala gikan sa dakbayan sa El Salvador ngadto kang Mayor Rolando “Klarex” Uy ug sa mga awtoridad karong Septiyembre 22.
Tungod sa mga report nga nagsugod na ang kompanya sa pagpamasada, gipahinumdoman sa konseho nga adunay gahum ang kagamhanan nga mangdakop ug magpahamtang og multa sa ilang operasyon hangtod nga makatuman sila sa tanang Permiso sa Negosyo ug buhis sa dakbayan.
