Bukas karon ang European Union EU nga mahimong pinakaunang associate member ang nasod sa Canada subay sa bag-ong kasabotan sa duha ka bahin.
Gipahayag ni European Commission President Ursula von der Leyen sa iyang diskurso sa Strasbourg nga usa ka dakong pangandoy sa ilang rehiyon nga maabrihan ang pultahan alang sa Canada taliwala sa mga ginaatubang nga kagubot sa tibuok kalibotan.
Sumala sa maong opisyal, usa kini ka maayong pamaagi aron mas mapalig-on pa ang pagtinabangay sa duha ka nasod bahin sa demokrasya, depensa, ug pagtabang sa mga krisis sama sa nahitabo sa Ukraine.
Dugang pa sa lider, pareho usab ang ilang pagtan-aw sa pagpanalipod sa palibot, bag-ong teknolohiya, ug mga importanteng suplay alang sa panginahanglan sa katawhan sa tibook kalubutan.
