Gisaway pag-ayo ni legal expert Atty. Homobono Adaza ang giingong lakang sa Presiding Officer sa Impeachment Court nga si Senador Francis “Chiz” Escudero human nag-imbitar ang Senado og mga legal expert aron hisgotan pa ang probisyon sa boto sa Batakang Balaod.
Matud pa ni Adaza, usik ra kini sa panahon ug kwarta tungod kay simple ra nga matematika ug Iningles ang nakasulat sa balaod.
Klaro nga 2/3 sa 24 ka sakop sa Senado ang kinahanglanon ug dili na kini kinahanglan pa og bisan unsang interpretasyon.
Gipadayag sa kanhi magbabalaod nga ang mga tawong nagboto ra sa plebisito pinaagi sa pag-usab sa Saligang Balaod ang makatandog sa maong numero, ug dili ang Senado.
Tungod niini, nagpasidaan si Adaza nga deretso niyang kasuhan sa Ombudsman ang kinsa man nga mangahas sa pag-usab sa maong numero tungod sa pag-abuso sa katungdanan ug paglapas sa balaod.-
