Natangtang ang Alas Pilipinas Women sa medal contention sa Women’s Volleyball Tournament sa Aichi-Nagoya 2026 Asian Games human sa ilang kapildihan batok sa Kazakhstan niadtong adlawng Huwebes.
Nakuha sa Pilipinas ang una nga set, sa score nga 29-27, apan mibawi ang Kazakhstan sa sunod nga tulo ka set, sa score nga 26-24, 25-23, ug 25-19.
Sa maong dula, nanguna si Angel Canino sa Alas Pilipinas nga adunay 24 ka puntos, samtang misunod si Alyssa Solomon nga adunay 20 ka puntos.
Tungod sa maong kapildihan, napakyas ang Pilipinas sa pag-abante sa quarterfinals ug mobalhin kini sa classification round, samtang ang Kazakhstan mipadayon ngadto sa quarterfinals. (raniel mahunyag)
