Dakung sagpa sa katawhan ug sa mga biktima sa Martial Law ang pag-acquit kang kanhi First lady Imelda Marcos sa kasong graft nga iyang gi-atubang sa korte suprema. Kini ang gipahungaw nga kasuko sa Kabataan Partylist Southern Mindanao.
Miingon si Cobbie Jan Canda nga subli nabuhi ang trauma nga gibati sa mga nartial victims tungod sa pag-abswelto
kang Marcos, kundiin, pito ka kaso sa graft ang giatubang niya.
Kini ang rason nga gitratar kini sa grupo sa mga kabataan nga sagpa sa dagway sa hustisya ug nagduso sa katawhan nga milusad sa mga lihok-protesta tungod sa pag-abusar sa gahum sa rehime sa pamilyang Marcos, niadtong nagsikbing diktador ang amahan ni President Bongbong Marcos.
Sa umalabot Martial Law Commemoration sa Setyembre 21, mulangkob ang ilang grupo sa lapad nga lihok protesta sa tibook Pilipinas aron ipadumdum ang korte ug mga magbabalaod sa nasud sa dulom nga kinabuhi nga gihimo sa pamilya ni Marcos niadtong tuig 1972.
