Pwedeng magdala og dako nga kagubot ug makadaot sa ekonomiya sa nasod kon dili patas nga idala sa Senado ang impeachment trial batok kang Bise Presidente Sara Duterte.
Mao kini ang gipasidaan ni constitutional law expert Atty. Jojo Lacanilao, diin gihangyo niya ang mga lider sa gobyerno nga magmabinantayon tungod kay ang padayon nga away sa politika kay pwedeng mosangpot sa mga protesta nga sama sa nahitabo sa EDSA 2.
Gitin-aw ni Lacanilao nga kini nga mga samok sa politika ang nag-unang rason kon ngano nga mahadlok ug mobiya ang mga langyaw nga investor sa Pilipinas aron mobalhin sa ubang silingang nasod sama sa Vietnam ug Indonesia.
Tungod niini, gipahinumdoman niya ang Senado nga sigurohon ang sakto ug patas nga pagpatuman sa 2/3 o 16 ka boto nga threshold aron malikayan ang gubot ug dili na mas mosamot ang kalisod sa mga katawhan.
