Posibleng makaatubang og seryosong kaso sa Korte Suprema ug dakong kagubot sa nasod ang Kongreso kon ipadayon nila ang pagrasun-rason ug paglangan sa balaod batok sa political dynasty.
Mao kini ang gipasidaan ni Political Science Expert Professor Lucanus Azrael T. Igot, diin gitin-aw niya nga dako nga kasaypanan kon dili lihokon sa mga Senador ug Kongresista ang dinalian nga mando sa Korte Suprema batok sa paghari sa pipila ra ka pamilya sa politika.
Gipahinumdoman sa propesor nga taliwala sa sigeg-saka nga presyo sa lana ug kalisod sa panginabuhi, mas gipili sa mga adunahang pamilya sa politika nga panalipdan ang ilang kaugalingong negosyo ug pwesto imbes nga maghatag og konkretong tabang sa publiko.
Tungod niini, nagpasidaan ang eksperto nga kon dili gihapon mohimo og tinuod nga balaod ang lehislatura, pwedeng pasakaan og kasong grave abuse of discretion ang Kongreso tungod sa pabalik-balik nga pagbalewala sa Konstitusyon
