Dili paigo ang pagkapreso ni kanhi House Speaker Martin Romualdez alang sa Kabataan Partylist habang gawasnon pa ang giisip nilang pinakadako nga utok sa anomalya sa mga proyekto sa gobyerno.
Mao kini ang gipahayag sa Kabataan Partylist pinaagi Cobbie Jan Canda sa Kabataan Partylist, diin gitudlo niya si Presidente Ferdinand Marcos Jr. nga maoy pinakadako nga responsable sa lapad nga korapsyon sa nasod.
Gumikan niini, gipanawagan sa grupo nga kinahanglang patubagon ug silutan sa korte silang Presidente Marcos, Bise Presidente Sara Duterte, ug ang mga kontratista sa mga flood control project.
Gipasalig sa grupo nga dili gyud mohunong ang mga batan-on sa pagprotesta sa kadalanan hangtod nga dili masilotan ug mapagawas ang tinuod nga hustisya batok sa mga nanguha sa pondo sa lungsod.
