Gikuwestiyon ni Senator-Judge Erwin Tulfo ang Securities and Exchange Commission (SEC) Lawyer nga si Gerardo Del Rosario kung responsibilidad ba sa Securities and Commission nga pahinumdoman ang mga kawani sa kagamhanan bahin sa mga restriction sa pagpanag-iya ug pagtukod og negosyo samtang naa pa kini sa pwesto.
Gipangutana ni Tulfo kung ngano wala napahibalo si Vice President Sara Duterte bahin sa posibleng paglapas niini ug panginahanglan niining mag-divest human nitumaw ang iyang pangalan sa ilang mga corporate records.
Matud ni Del Rosario, dili kabahin sa mandato sa SEC ang giingong pagpahinumdom tungod kay wala silay nadawat nga direktiba gikang sa executive, legislative, o juidicial branch aron i-report ang mga opisyal sa kagamhanan nga adunay negosyo.
Sa laing bahin, gisugyot ni Tulfo nga mahimong adunay pasidaan o pahinumdom ang SEC ngadto sa mga opisyal atol sa proseso sa pagparehistro sa ilang mga kompanya aron malikayan ang conflict of Interest. (raniel mahunyag)
