Nasilbi na sa National Bureau of Investigation (NBI) ang subpoena batok sa Regional Director sa Department of Public Works and Highways sa Davao City ug sa mga opisyal sa District Engineering Offices 1, 2, ug 3 alang sa ipahigayong pagdungog karong umaabot nga Huwebes, Setyembre 24, 2026.
Gimando sa maong subpoena nga moatubang sa buhatan sa NBI sa ala-una sa hapon ang maong opisyal aron moatubang ug maghatag ug importanteng impormasyon bahin sa gipahigayong imbestigasyon.
Sumala kini sa gipadayag ni NBI Director Melvin Matibag nga nakakita kini og nagkalainlaing ‘red flags’, sama sa gitahong substandards ug gidudahang red flags sa 47 sa 100 ka mga flood control project sa dakbayan.
Gipatin-aw usab ni Matibag nga sa 47 ka mga flood control projects nga gidudahang adunay red flags kay 6 pa lamang ang kumpirmado nga adunay anomalya. (raniel mahunyag)
