Nikalas og tulo ka kinabuhi ang pinakadako nga pag-atake sa drone sa rehiyon sa Moscow, diin nadaot usab ang usa ka pasilidad sa refinery sa lana sa kapital sa Russia, samtang nagbotar ang mga Ruso sa katapusang adlaw sa parliamentary election.
Matud ni Moscow Mayor Sergei Sobyanin, kapin 1,600 ka drone ang napukan sa Russia sukad niadtong Sabado, lakip ang 450 nga padulong sa Moscow, ug iyang giingon nga ang pag-atake klarong gituyo aron samukon ang gipahigayong eleksyon.
Gipamatud-an ni Moscow Region Governor Andrei Vorobyov nga duha ka tawo ang namatay sa sayo sa buntag nga mga pag-atake ug ang ikatulo namatay sa ulahi tungod sa iyang mga samad, samtang 400 ka tawo, lakip ang 70 ka bata, ang gipabakwit gikan sa 21-ka-andana nga apartment building sa distrito sa Ramenskoye.
Matud sa mga awtoridad, usa ka pasilidad sa Moscow refinery ang nadaot sa maong pag-atake, samtang wala pa magkomento ang Ukraine bahin sa maong mga pag-atake. (raniel mahunyag)
