Gikumpirma sa abogado sa Securities and Exchange Commission (SEC) nga si Gerardo Del Rosario kang Senator Judge Francis “Kiko” Pangilinan nga adunay 54.99% nga pagpanag-iya ang JTC Group of Companies sa GenCorp Industries Inc., base sa 2025 General Information Sheet sa kompanya.
Nagtuo si Pangilinan nga isip majority shareholder, dako ang impluwensya sa JTC Group sa mga desisyon sa GenCorp, lakip na ang pagpili sa board members ug pipila ka corporate officers.
Gikumpirma usab ni Del Rosario nga adunay common shareholders ug officers ang GenCorp, City Hall Chow Foods Corporation, ug Metro City Chow Foods Corporation, nga nagpakita sa interkoneksyon sa ilang operasyon.
Mahinumduman nga kining mga kompanya maoy nalista sa Statement of Liabilities and Networth (SALN) ni VP Sara Duterte kundiin ang JTC maoy gitudlo nga stockholder sa GenCorp Industries Inc.
