Kumpiyansa gihapon si Philippine Olympic Committee (POC) President Abraham “Bambol” Tolentino nga makakuha sa bulawang medalya ang Pilipinas sa nagpadayon nga 20th Asian Games sa Aichi-Nagoya, Japan.
Sa mubo nga pakighinabi sa press, siya miingon nga sa miaging tulo ka adlaw, daw idlas pa ang pagbaton sa gold medals, apan adunay pa’y pipila ka atleta nga wala pa nakasulod sa kompetisyon.
Lakip sa iyang gilakmitan sila tennis star Alex Eala, gymnast Carlos ug Eldrew Yulo, ingon man si EJ Obiena ug uban pang mga atleta.
Una nang gisulti ni Tolentino nga tinguha sa Pilipinas nga makakuha sa walo ka medalyang bulawan aron malabwan ang nahakot sa miaging tulo ka tuig.
