Gisugdan sa Filipina tennis star nga si Alex Eala, ang iyang kampanya alang sa gold medal sa 2026 Asian Games pinaagi sa 6-1, 6-0 nga kadaugan batok kang Patcharin Cheapchandej sa Thailand sa second round.
Human makadawat og first-round bye, 55 minutos lang ang gikinahanglan ni Eala, nga world No. 18, aron pildihon ang iyang kaatbang ug makaabante ngadto sa quarterfinals.
Gibalhin ang maong duwa ngadto sa indoor court sa Higashiyama Park Tennis Center human maapektuhan sa ulan ang eskedyul sa mga duwa sa Center Court.
Sa quarterfinals, atubangon ni Eala si Joanna Garland sa Chinese Taipei samtang iyang gipadayon ang kampanya alang sa medalya sa Asian Games. (raniel mahunyag)
