Gilauman nga mokunhod ang presyo sa lokal nga petrolyo karong Martes, Setyembre 29, nga magtapos sa tulo ka sunod-sunod nga semana sa grabeng pagsaka sa presyo tungod sa tensyon sa Middle East.
Gipahibalo sa Department of Energy nga ang diesel moubos og P7.57 matag litro, ang kerosene og P5.85 matag litro, ug ang gasolina og P0.24 matag litro.
Kini nga temporaryong kausaban nahitabo human sa natipon nga pagtaas sa presyo nga nidangat sa kapin P18 matag litro sa diesel ug P15 matag litro sa gasolina sa miaging bahin niining bulana.
Samtang, nagpadayon ang mga diplomatikong paningkamot sa kalibutan human gipadayag ni U.S. President Donald Trump nga iyang gilauman ang pagpadayon sa negosasyon tali sa Iran bahin sa maong gubat sa dili madugay. (raniel mahunyag)
