Gipamugos ni Prosecution Spokesperson Robert Ace Barbers nga mamahimong magsilbi nga ebidensya ang anaa sa 51 ka mga armas nga gipanag-iyahan ni Vice President Sara Duterte.
Matud ni Barbers, gikinahanglang ideklara sa SALN ang mga personal nga panag-iya lakip na niini ang mga armas.
Miingon usab si Barbers nga 22 kabuok ang armas nga gipanag-iyahan sa Bise Presidente ug 29 ang sa iyang bana nga si Atty. Manases ‘Mans’ Carpio nga nagkantidad og P7 milyon.
Gitin-aw ni Barbers nga dili ang kantidad sa mga armas ang nag-unang hisgutanan, apahn ang giingong wala pagdeklara niini ngadto sa iyang SALN.
Dugtong niini, gipamugos usab sa prosekusyon nga bahin ang maong mga testimonya ug dokumento mahitungod sa mga armas sa ebidensyang gipresentar nila kalabot sa pasangil sa non-disclosure sa SALN niini. (raniel mahunyag)
