Gipasiugda ni Ombudsman Jesus Crispin ‘Boying’ Remulla nga gituman niya ang iyang trabaho sa pagpanubag sa mga nalambigit sa mga pagpangabuso sa kagamhanan.
Matud ni Remulla, makasalig ang mga katawhan nga mopasaka dayon og kaso ang Office of the Ombudsman sa oras nga aduna na silay ebidensya nga makuha.
Gipanghingusgan usab ni Remulla nga walay bisan kinsa o walay gisanto pag-abot sa pagpanubag sa mga indibidwal nga nalambigit sa ‘agricultural smuggling.’
Ang maong pahayag gipagawas ni Remulla human niini nasaksihan ang pagpirma sa National Bureau og Investigation (NBI), Department of Justice (DOJ), ug Bureau of Customs (BOC) sa usa ka Memorandum of Agreement aron palig-onon ang kampanya batok sa ‘agri-smuggling’ dinhi sa nasud. (raniel mahunyag)
