Gitun-an sa House prosecution panel ang posibleng pagpakigsabwat sa balik-balik nga paghatag og mga kontrata sa kagamhanan sa syudad sa Davao ngadto sa GenCorp Industries.
Sumala sa tigpamaba sa House prosecution ug Lanao del Sur Representative Zia Alonto Adiong, nakakuha ang GenCorp og 19 ka mga kontrata nga nagkantidad og kapin sa 33 milyones pesos gikan sa tuig 2022 hangtod 2026, diin 15 niini miagi sa small-value procurement.
Gikwestyon usab ni Adiong ang relasyon sa tag-iya sa GenCorp nga si Jaime Cruz ngadto sa Mayor sa Davao nga si Sebastian Duterte, nga miangkon nga kauban sa negosyo sa usa ka kompanya.
Gipahayag usab sa private prosecutor nga si Atty. Benjamin Tolosa nga gipahibalo mismo ni Vice President Sara Duterte sa iyang SALN ang financial interest sa GenCorp nga nakadawat usab og mga kontrata gikan sa kagamhanan.
Anaa sa mga senador-judge karon ang pagdesisyon kon aduna ba ‘y igong ebidensya sa paglapas sa Konstitusyon.
