Nahukman sa House Prosecution Panel nga dili na nila ipresentar si kanhi senador Antonio “Sonny” Trillanes isip saksi sa impeachment trial batok kang Vice President Sara Duterte.
Kini ang gi-abiso ni Atty. Gerville Luistro, ang lead prosecutor sa House Prosecution Panel.
Matod pa ni Luistro, pinal na ang desisyon sa prosecution nga dili na siya ipatawag sa witness stand.
Nangayo usab siya sa pagsabot gikan sa impeachment court kalabot sa ilang katapusang desisyon.
Hisayran nga ang pag-atras sa pagpresentar kang Trillanes giingon nga bahin sa estratehiya sa prosecution aron mas mapokus sa mga saksi nga adunay direkta nga kalabotan sa kaso.
