Napamatud-an sa prosecution nga adunay iregularidad sa mga entries sa SALN nila Vice President Sara Duterte ug sa iyang kapikas nga si Atty Manase Carpio.
Mahitungod kini sa masil-ip nga managlahi nga acquisition cost sa usa ka property nga gipanag-iyahan ni VP itandi sa iyang kapikas.
Subay sa entries sa “deed of sale” nga adunay petsa Marso 15, 2018, mubalor sa P3,453,849 ang acquisition cost sa property, samtang P4,000,041 ang kantidad nga gidideklara sa ilang SALN.
Gikuwestiyon ni House Prosecutor Rep. Keith Flores si Deputy Register of Deeds III Marco Pineda kung posible ba nga magkalahi ang tuig sa acquisition ug acquisition cost, nga iyang gikumpirma.
Subay sa SALN, ang magtiayon mideklarar nga nakuha nila ang property niadtong 2013, apan ang deed of sale gipirmahan lamang niadtong 2018, lima ka tuig human sa giingong pagpalit.
