Gitin-aw ni DPWH Secretary Vince Dizon ang iyang unang pamahayag nga walay “ghost projects” sa Taguig City human kini gipangutana ni Senator Panfilo Lacson atol sa usa ka budget hearing.
Matud ni Dizon nga wala pa sila mahuman sa pagsuhid sa mga reports ug records kay nagpadayon pa ang imbestigasyon sa nagkalain-laing iregularidad nga nadiskobrehan sa lugar.
Usa sa giimbestigahan mao ang proyekto sa St. Timothy Construction Corporation (Discaya) sa Taguig diin ang mga koordinasyon o “coordinate” niini nagpunting sa Leyte.
Giangkon sa kalihim nga adunay tulo ka mga kaso sa maong kontraktor diin ang mga coordinates napunting sa mga proyekto gikan sa 2022 ug didto kini nahimutang sa Leyte inay sa Taguig.
Gipasabot usab ni Dizon nga ang ilang buhatan padayon nga nakig-alayon sa Ombudsman aron mabalidar ang mga taho ug mapadali ang imbestigasyon.
